ব্যস্ততাৰ মাজত সপোন খেদি
মাজে মাজে মই ৰৈ যাওঁ
কোনোবা এক অচিন ষ্টপেজত,
শোকে খুন্দিয়াই বুকুত
পিয়াহত অাতুৰ হ'ওঁ
নজনাকৈ;
পালন কৰোঁ নিজস্ব ষ্টাইলত
মোৰ প্ৰিয় বিষাদ উৎসৱ...
মূৰত নোসোমায় এট'মিক ফিজিক্স
কামোৰে মোক নিউক্লিয়াৰ ফিজিক্সে
খজুৱাই ক্লাচিকেল মেকানিকচ্ আৰু চলিডষ্টেড ফিজিক্সে ৷
ৰাতি সপোনত খেদি অাহে আইনষ্টাইন
নিউটন,ব'ৰ,মেক্সৱেলৰ আত্মাই
সাৰ পাই চমকি উঠো
সান্তনা দিওঁ নিজকে
মাথোঁ মনত থাকে
কিছু অলীক স্বপ্ন,
স্তব্ধ হয় সময়...
আবেলি মই বিচাৰি ওলাঁও
মহানগৰীৰ প্ৰতিটো ডাষ্টবিন
এক স্বপ্নৰ সন্ধানত,
ক্ৰমশ: এন্ধাৰে আৱৰি ধৰে পৃথিৱী...
হঠাৎ এজাক বৰষুণ সৰিব ধৰে
এচিড বৰষুণ;
বৰষুণৰ শেষত পুনৰ বিচাৰি যাঁও
ডাষ্টবিনবোৰলৈ
ভগা কলিজাৰ এপিটাফ বিচাৰি...!!!
(বহু পুৰণি ৷ এবাৰ চকু ফুৰাবচোন )
No comments:
Post a Comment