দুখ ক'ত পাম বিচাৰি????
মোক অলপ দুখৰ প্ৰয়োজন,
দুখ বিচাৰি আজি ফাঁচীবজাৰলৈ গ'লো
নাপালোঁ..
কোনোবাই কৈ গ'ল, তোমাৰ প্ৰিয় ঘাটলৈ যোৱা
নৈশব্দতাত বিলীন হোৱা সময়ত মই নৈৰ ঘাটলৈ গ'লোঁ,
দুখৰ চিনমোকামেই নাপালোঁ ৷
এন্ধাৰৰ স'তে বিষাদবোৰ কঢ়িয়াই 'ফুডভিলা' পালোঁগৈ,
নাই তাতো নাই ৷
শুনিলোঁ জালুকবাৰীৰ কথা,
ঢাপলি মেলিলোঁ 'মন'টোৰ স'তে
বগা কুঁৱলীৰ চাদৰ মেৰিয়াই 'দুখ' ৰৈ অাছে
কৃষ্ণচূড়াৰ তলত ৷
এগিলাচ চেচাঁ পানী পি
মই উভটিলোঁ,
দুখবোৰ থাকি আহিল কৃষ্ণচূড়াৰ স'তে .....
No comments:
Post a Comment